圣诞就快到，Happy Mama不少妈咪friend却未能过一个Merry Xmas，因为佢哋都烦紧升小。

唔好以为四大皆空（私小、直资、官津自行收生都全军覆没的家长在网上对自己的戏称）的家长先至烦，有offer在手的家长一样头痕。因为佢哋仲十五十六，唔知选边间好。放榜翌日，网上已有不少「abc校vs. xyz校」为题的post，真係有又烦，无又烦。甚至有家长在网上话自己放榜嗰日开始晚晚失眠，当中反映现今家长有几紧张仔女学业。

校长﹕候补取录视乎面试表现

Happy Mama同私立小学九龙礼贤学校校长陈刘斯嫦倾过，佢都认为时下家长真係好着紧仔女入边间学校。佢哋学校只会面见学生，所以有家长特登走去学校等见校长。网上有家长分享自己如何由waiting list变成正取生，唔少家长都照办煮碗，例如写信畀校长，补交一本本厚厚的portfolio等。陈刘斯嫦校长今年都收到一班waiting list家长畀自己的信同portfolio。校长话自己都好明白家长心态，不过亦奉劝家长唔好尽信网上传言﹕「学校决定取录一个学生係视乎学生面试表现。我哋会根据学生表现在waiting list上有稿低排序，所以家长唔好上网睇到人哋做咩自己就做咩，只会浪费时间。」

校长又讲到，教育其实係一条好长的路，小朋友入到边间小学只是人生其中一个阶段﹕「仔女入到家长的『心仪学校』，同ABC后佢是否适合嗰间学校係两件事，家长毋须过分紧张仔女是否入到某间学校。」Happy Mama都听过部分家长力谷仔女入到某热门小学，ABC后因为功课压力要转校。其实呢个世界係无ABC的学校，只有适唔适合自己仔女的学校。校长认为，升小对家长来说都可以是一门课，当中学习到的就是如何面对得失。如果家长对得失睇得好重，影响的不止是自己的情绪，亦会影响到子女：「你紧张时小朋友就会更紧张，为了一个学位影响亲子关係又何必呢？」