大X乐一杯咖啡 $11.5 (下午茶时段$7即磨)，star唛约30至40多元，这数十元的差价不是反映成本的差异，主要来自感觉。star唛令你感到悠闲、中产、贵气，隣座是看Kindle ebook The Girl in the Ice(不是太阳的后裔)，更会少一点AYA在sell保险。感觉，从来都值钱。

职场是人与人交往的平台，给予对方的感觉不但重要，甚至决定胜负，like like定嬲嬲，主要是感觉，「叫我梁XX」应该深明此理。

曾经因提供顾问服务，于某机构工作一段时间，发现他们的同事好像各自在劏房里工作，互不对话八挂吹水，全依赖电邮沟通，冷漠过殓房。静到有两只乌蝇飞过，我听见它们商量去那里吃lunch。

职场要相处愉快融洽，呃到大比数like，甚至上位打造红地毯，要掌握和满足对方的心理需要，活出对方的期望，用本土语言说，要交戏。

对客交戏

顾客在交易过程中，愈赚得多愈开心，除了货品的折扣和各种似是而非的优惠外，他们ABC想得到销售员的额外服务 – 窝心和贴心，觉得赚多咗，特别是港客和大陆客。(睇我几政治正确！)

窝心关键片语：

• 「呢只紫色好虾人着，但係你着到啰！」
  
• 「你攞住咁大个喼，不如放係呢度我帮你睇住，你可以行得舒服啲」
  
• 「先生你好识点餸呀，呢几样都係我哋餐厅排头三位嘅菜色」
  
• 「你个小朋友(或狗狗)好cutie，真係冧死人！」(轻扫阿B(或狗狗)个头扮好想凼佢玩)

遇上客人额外要求，r多5% discount、送旧spare电、改bundle组合，不要earphone要个保护贴；你是前线，点都做唔到嘅话，犯不着为个客破坏规矩或俾老闆郁。

ABC回合坚say no，不过要俾感情，除了讲公司规定、上司指明、成个场都做唔到等原因任选之外，重要是交一个「真係sorry好抱歉….」(咪加个啰字)、「我其实冇所谓，不过….」、「邓你唔扺」、「有啲可惜」、「如果做到一定做俾你」的戏；知，分明係废话，无所谓，你讲得少咩？

我有个friend行去取车时，不远处见有警察取笔抄牌，急步跑去，希望能赶得切制止一宗人间悲剧。世事当然同你作对，去到警察刚刚落笔，我个friend叫了一声OMG，觉得好唔抵，正想上诉争扎一下。那名警察一脸歉意说：「哎呀(长尾音)，啱啱落咗笔添，真係唔好意思先生！」其实都知一切要依剧本做事，但交了「邓你唔扺」戏，我个friend当堂顺晒。

对老闆交戏

上司交托工作，ABC希望伙记掌握重点和上心。要令他老人家安心，聆听过程要交砖心戏，定神凝望、点头是level 1。ABCbenchmark内地官场文化 – 做笔记，不论董政协、梁特首、曾司长，当听习主席、李总理训话时，总是在做笔记，其实大把随从会记低每个细节甚至呼吸位，但戏总是要交。

除了笔录，Level 2是撮要重点，特别是老闆叮嘱过两次或以上的、紧张的、担心的、有点忐忑的….等情绪位，一定要截图post係自己脸上，令老闆安心，知你收到和上心。

上心关键片语

必须按时机连同适当的emoji出场：

• 「我即刻去做，嚟紧几个钟头我会唔听电话住」
  
• 「呢单job对公司真係好重要，我会俾心机跟」
  
• 「我会做埋至走，唔知放工后ＷhatsApp你方唔方便」
  
• 「讲真，做多少少嘢我真係冇所谓，我真係唔觉得係蚀底啰」(讲咗三个真字，又真係多咗啲)

虽然与工作没有什么关係，但为了统一角色性格，你还要喜欢长跑、参加世界自然基金会(但不是绿色和平)、做义工；交孝顺、唔烂赌、爱情砖一戏。放心，知你超勉强，放咗工就可以跳离角色，你懂的！

对同事/下属交戏

要受到同事或下属爱戴，要交欣赏和关心戏。肯定对方收到，一定要发声，浮夸一点也无妨。见到同事咳咗两下，埋位讲声：同事，你咳呀！知，係超废，但有人气！想想，如果你坚唔舒服，但无人问候一句，是不是比前列腺癌更难受！

同事拿着新包包返工、刚刚去完秘鲁马丘比丘同玻利维亚天空之镜、穿了件明晒身段的战衣好稿贵咁踏入office，一定十级渴望被全人类围陇，收到万零二万个like和劲正。同样，下属俾心机做好一单job，也想受到认同和三声哗！

欣赏关键片语：

excellent、impressed, you’re genius、真係地上ABC强啰…..等关键词，不妨大手去货。下属email你交功课，不要return mail只写noted那么冷血无情，起錶入门版ABC消费都要讲声thank you。如果是deadline 之前交，prompt response, appreciated, helpful….等唔少得。

欣赏中的ABC，是表达信任和期望：

• 「老闆好睇重呢个project，指明要你跟！」
  
• 「你ABC有经验，呢次个production你係key man，成班伙记都睇你！」
  
• 「呢叠文件好重要，我唔放心俾阿Tom，所以搵你帮手，影印！」

交戏，不是作假，欺骗感情，星爷在喜剧中说：「痛嚟讲呢，根据俄国戏剧理论大师史坦尼斯拉夫斯基嘅说法，应该係由外到内，再由内去番外。」

即是对周遭环境人际有所感受，发自内心，但要通过某重形式表达出来，目的是帮助对方接收和準确解读，令成件事有成效、有回报，否则拖是白拍，鞋是白擦！

各位若遇到职场管理、办公室政治、人际冲突、或前途抉择等难题，欢迎留言提出。笔者会详尽分析和解答，亦可浏览盈力僱员服务顾问网页。