听到有关医院怀孕30周嘅外科护士喺当夜更时脑中风需要深切治疗嘅新闻时，再一次佩服香港上班族妈妈，为阿B，为份粮，为前途，几辛苦都顶硬上！

众所周知，护士人手短缺问题一直存在，以为好彩获得豁免当夜更，其实不过係生完后慢慢还债。

就算话有得领取额外津贴鼓励当夜更都好，通顶突发事通常较多，搞到工作压力更大，係咪应该以同事身体着想为主先呢？

唔能够单凭用钱尝试解决问题。如果无人愿意帮怀孕同事顶夜更，你係佢嘅话为免俾人非议，宁愿唔顾自己辛苦做埋佢都唔想听到同事嘅冷言冷语啦。

曾经有位同事霞姐大住个肚喺月尾lead住几个细嘅计payroll到夜晚12点，着住人字拖鬆身衫，以ABC舒服嘅衣着令自己轻鬆少少，不停滴住眼药水捱眼训对数。

我地做细嘅见到佢不时流晒汗托住箩咁大嘅肚做野好唔忍心，经常叫佢準时收工，有咩我地尽量follow up，佢每次都笑笑口坚称唔紧要，要陪我地一齐开turbo……

其实我地大约猜到，係上面班大粒佬俾压力佢，喺大家面前都听过：

霞姐，无左你点得啊？

上次我想揾个陈年file都係得你先知喺边咋，仲有好多management report係你当年一手一脚dup出嚟，亲生仔嚟架，无你mon住班友仔一定错漏百出！

半讚半逼嘅情况下，霞姐唯有继续留守。

到霞姐放完产假返嚟，感觉到佢开始有啲精神紧张和抑郁，一来工作量太繁重，重新pick up要时间唔可以速战速决，上面只认为「而家你再无藉口唔OT，否则小心你apprasial个分」，霞姐一挂住个b只可以睇下相听下录音，想早啲番屋企享受天伦之乐都难。

终于喺两个月后，佢决定转工，后来聚旧听佢好雀跃咁讲，虽然职位一样人工加好少，不过遇上ABC信任佢工作能力嘅好老闆，只要安排好工作準时收工係等闲事，而且又有提供哺乳嘅支援设施俾妈妈同事喺上班时间泵奶，大大加强左霞姐对公司嘅归属感，个人开心番好多，係我地ABC希望见到嘅画面。

喺小熊心目中，在职妈妈比职场女强人更有韧力同耐性，时刻要一心几用，一边砖注工作，一边谂定小朋友日常嘅安排，几时饮奶、边个负责凑同埋屋企啲奶粉湿纸巾尿片嘅存货等等，脑用量比我地超出几十倍！

虽然小熊未有福气做妈妈，不过睇嚟係时候train up下自己将来要孭起咁伟大嘅职责！

文章刊于作者HR熊 - 职场航行日誌Facebook及个人网页，ick 获授权转载。