HR面试奇遇记:骑呢应徵者
陀螺小子嘅故事可以话係万中无一,一个角色竟然可以同时出现係《奇形怪状CV系列》同埋《见工奇行种系列》,可谓有今生无来世嘅真·经典!(未睇上集可以click返下面条link)
上回讲到我一而再再而十咁将陀螺小子嘅追魂电邮掉进资源回收桶,过左一段时间已经冇再收到佢嘅追魂信,可能因为陀螺老豆冇再催佢搵工啦。我以为自己同陀螺小子此生都不会相见,但少年我实在太年轻了!
到底点样先可以令自己成功见到一份人地唔想见你嘅工呢?陀螺小子做咗个完美示範。你不得不佩服陀螺小子对薯仔公司嘅热诚,因为佢真係十分留意我地公司嘅动向。我同陀螺小子相遇嘅地方係.....一场公开招聘会。
陀螺小子登场一刻我并唔认得佢,眼前呢位先生着住件T-shirt牛仔裤嚟见工,不修边幅嘅髮型带点浪子嘅味道。
你好!简单介绍下自己先啦!
我叫『陀螺小子』,啱啱係内地读完书返香港,前排搵到份长工。其实之前我都send过CV嚟薯仔公司但都冇消息,咁啱见到今日有得即场面试砖登请假嚟!呢度有我份CV,你睇下!
一见到嗰张影住张相嘅相,我就认得呢份俾我放咗入资源回收筒无数次嘅CV!係嗰两秒钟,时间就好似静止咗咁,世界只剩下我同陀螺小子,份CV勾起我地之间无数嘅回忆…汪呀姐把声马上係我脑海响起…「经过那些年…」经过一段时间,我发梦都冇谂过我地会有相遇嘅一刻。
我同自己讲冷静啲!有咩风浪未见过呀!我强行运用面部肌肉址返埋我个O晒出嚟嘅O咀,然后继续问:
我留意到你读完大学之后有两年空档喎,你做咗啲咩?
我係内地读完大学之后游历咗两年!重完成埋个硕士课程!
陀螺小子充满自信咁讲。
我睇一睇佢份form真係填左某ABC大学嘅硕士课程!听讲呢间好难入,莫非陀螺小子其实係天才?咪住先!睇真啲!点解隔离写住「旁听课程,没有证书」?遥距课程就听过者!旁听课程真係闻所未闻
我见你写住话係xx大学读嘅master係旁听课程...
係呀!我游历嘅时候係呢间大学做旁听生,我听晒成个硕士课程嘅堂㗎。
吓?我听完佢讲后我真係呆咗几秒,点解sit晒成个课程嘅堂会觉得自己係读完master, 重可以写落CV度?呢个时候面部肌肉已经失去功能,个O嘴出晒嚟
即係话你去sit左两年堂?但根本冇报过硕士课程?
係呀!上网好容搵到硕士课程嘅时间表,我跟时间表走入去课室听。我真係听晒㗎!
陀螺小子真係天才嚟,扮学生上堂两年都冇俾人发现,好彩佢唔係恐怖分子咋。但係咁样都可以写落CV度当读完Master,我得闲都要去sit返个Master返嚟。
当我觉得唔好再浪费大家时间嘅时候…佢个稿速旋转嘅陀螺好似突然开行turbo,开始讲唔停口…
我大学时间都参加过话剧表演架,我有参加过朗诵比赛,做过演员係学校ABC型嘅舞台度表演。
我知呀…爱恨情仇乜乜乜嗰套嘛…
我游历嘅时候有去过黑龙江、吉林、江西.....
我知呀...你个行程我都就快背得出
虽然我都返紧工,但我ABC想都係成为薯仔公司嘅一份子!
听完佢一轮嘴讲完之后,我同佢讲有消息会尽快通知,ABC后陀螺小子一个华丽转身就离开咗我视线。
当然大家都知道我ABC后都冇俾任何消息佢,虽然陀螺小子份人比较骑呢,但其实佢几有热诚,只係唔太适合薯仔公司。如果大家有兴趣申请一份工又不妨留意多啲间公司有冇搅招聘会或者讲座,学陀螺小子咁去碰碰运气。Sit堂果方面大家有兴趣嘅话可以试下,试完话我知有冇俾人踢返出嚟。
我会好好珍惜今次同陀螺小子相遇嘅缘份…祝佢係依家间公司可以继续稿速旋转,得闲可以单挑下比卡超、车厘龟同事。
原文刊于HR小薯蓉Facebook,ick获授权转载,标题经ick 编辑修改,原题为「见工奇行种系列之陀螺小子惊世现身」。